Bukkane Bruse er som vanleg på veg til setra for å gjere seg feite. Men på vegen dit ser dei eit nytt skilt. "Badeland – 200 meter" står det på skiltet. Bukkane synest det høyrest freistande ut. Og kanskje slepp dei unna trollet òg.

Badeland er spennande, særleg den lange sklia. Men så kjem trollet.

Fantasifull, humoristisk og ellevill leik i tekst og bilde med eit av våre mest kjente eventyr.

Bukkane Bruse på badeland har sidan utgjevinga i 2009 opplevd ein eventyrleg suksess, og er blitt ein av dei største bildeboksuksessane i landet nokon gong.